Зурган заавар

Өргөтгөлийг хэрхэн ашиглах вэ

Суулгасны дараа юу хийхээ алхам тутамд нь зурсан. Netflix, YouTube, HBO Max гурвуулан дээр ижил ажиллана.

Эхлэхийн өмнө — анхаарах зүйлс

Өргөтгөл нь видео тоглуулагчийн үндсэн хадмалыг шууд уншиж орчуулдаг тул платформ дээр идэвхжүүлсэн хэлнээс шууд хамаарна.

1 · Тоглуулагчийн хадмалыг идэвхжүүлэх

Netflix, YouTube, HBO Max дээр үздэг кино эсвэл бичлэгийнхээ хадмалыг сурч буй хэл дээрээ асаагаарай. Монгол мөр нь уг эх хадмалаас эх үүсвэртэй байдаг тул эх хадмалгүйгээр орчуулга гарах боломжгүй.

Subtitles / CC한국어 ✓

2 · Өргөтгөлийн «Эх хэл»-ийг тохируулах

Өргөтгөлийн товчлуур дээр дарж «Эх хэл»-ээ гараар сонгоно. Ялангуяа солонгос, япон, хятад хэл сурч байгаа тохиолдолд «Автомат» горимд орхилгүйгээр тухайн хэлийг өөрөө сонгох нь орчуулгын болон үг таних нарийвчлалыг мэдэгдэхүйц сайжруулна.

Эх хэл한국어▾

Хараахан суулгаагүй бол эхлээд суулгах заавар (таван алхам, 2 минут). Цааш нь энэ хуудас үргэлжилнэ.

Дэлгэц дээрх харагдах байдал

Анги эхэлмэгц хадмал хоёр мөр болж хуваагдах бөгөөд үг бүрийн доорх тэмдэглэгээ нь таны тухайн үгийг мэддэг эсэхийг илтгэнэ.

Netflix · YouTube · HBO Max

I made you a promise, remember?

Би чамд амласан шүү дээ, санаж байна уу?⚑

NDS: энэ ангид хадгалсан 7 үг гарна — promise, remember, keep

1Эх хадмал — платформын үндсэн хадмал бөгөөд өргөтгөл үүнд өөрчлөлт оруулахгүй.
2Монгол мөр — өргөтгөлийн гаргаж буй орчуулга. Өнгө, хэмжээ, фонт болон байрлалыг (дээр/доор) тохиргооны цэснээс өөрт тохируулан өөрчлөх боломжтой.
3Үгийн доорх зураасны утга: цэгтэй = шинэ үг · цэнхэр = Дэвтэрт хадгалсан үг · зураасгүй = өмнө нь мэддэг гэж тэмдэглэсэн үг.
4⚑ Алдаа мэдэгдэх тэмдэг — тухайн мөрийн орчуулга алдаатай байвал дарж мэдэгдэх боломжтой.
Санамж: ангийн эхэнд дээд хэсэгт «энэ ангид хадгалсан N үг гарна» гэсэн анхааруулга гарч ирэх нь өмнө нь хадгалж байсан үгс тань тухайн ангид дахин тааралдахыг урьдчилан сануулж буй хэрэг юм.

Үг дээр дарж утга харах

Хадмал дээрх үгэн дээр хулганаа түр аваачаад түргэн орчуулга харах, эсвэл дээр нь дарж видеог түр зогсоон дуудлага сонсож, дэлгэрэнгүй карт нээх боломжтой.

I made you a promise, remember?

Би чамд амласан шүү дээ, санаж байна уу?

promiseнэр үг

амлалт

бусад: амлах · тангараг · ирээдүйтэй

☆ Дэвтэрт нэмэх📚 ДавтахМэднэ?⚠ Буруу

1Үг, үгийн аймаг болон дуудлага. Дармагц дуудлага нь автоматаар сонсогдох ба 🔊 дүрс дээр дарж дахин сонсох боломжтой.
2Өгүүлбэрт орсон утга. Толь бичгийн ерөнхий утга биш, харин тухайн киноны тухайн мөрөнд яг ямар утгаар орсныг оновчтой буулгана.
3Бусад утга — тухайн үгийн бусад утга, хувилбарууд.
4Дөрвөн товч:☆ Дэвтэрт нэмэх — тухайн үг болон гарсан өгүүлбэр, тухайн агшны зурагтай хамт Дэвтэр-т хадгалагдана. Дахин дарвал хасагдана («★ Дэвтэрт бий» болно).📚 Давтах — хадгалсан үгсээ вэб дээрх давталт руу шилжүүлж, мартуулахгүйн тулд тохирсон хугацаанд нь эргэн сануулна.Мэднэ? — уг үгийг мэддэг гэж тэмдэглэснээр цаашид хадмал дээр «шинэ» гэж тэмдэглэгдэхгүй.⚠ Буруу — утга алдаатай байвал хянагч нарт шалгуулахаар илгээнэ.

Товчлуураар мөр давтах

Видео тоглуулагч дээр идэвхтэй байх үед шууд ажиллах ба хайлтын талбарт бичиж байх үед автоматаар идэвхгүй болно.

Q

Мөр бүрийн дараа автоматаар зогсох горимыг асаах/унтраах. Мөрөө гүйцэд ойлгоод дараагийнх руугаа шилжихэд тусална.

A

Өмнөх мөр рүү буцааж дахин тоглуулна.

S

Тухайн мөрийг эхнээс нь дахин сонсоно. (Платформын өөрийн «Skip intro» товчны үйл ажиллагаанд нөлөөлөхгүй.)

D

Шууд дараагийн мөр рүү шилжинэ.

R

Ганц үг биш, бүтэн өгүүлбэрийг орчуулгатай нь хамт Дэвтэрт хадгалж, өгүүлбэрийн бүтцийг сурахад ашиглана.

−=

Видеоны тоглуулах хурдыг 0.5× хүртэл удаашруулж, 1.5× хүртэл хурдасгана.

⇧ ⌥ H — хулганаа орчуулгын мөрний хажууд аваачаад дарвал тухайн мөрийн «буруу орчуулга» маягт шууд нээгдэнэ (⚑ тэмдэг дээр дарахтай ижил утгатай).

Харагдацыг тохируулах

Хөтчийн баруун дээд булан дахь өргөтгөлийн дүрс дээр дарахад «Үзэх» цэс нээгдэх бөгөөд хийсэн өөрчлөлт бүр тухайн анги дээр шууд хэрэгжинэ.

Монгол хадмалҮзэх

Системийн хэлМонгол▾

Эх хэлEnglish▾

Орчуулах хэлМонгол▾

Үсгийн хэмжээ

Хадмалын өнгө

Үсгийн фонтNetflix-ийн жирийн▾

БайршилЭх хадмалын доор▾

Pro болохГарах

1Системийн хэл — өргөтгөлийн цэс, товч болон бичвэрийн хэлийг монгол эсвэл англи хэлээр сонгоно.
2Эх хэл ба Орчуулах хэл. Эх хэл нь платформ дээр асаасан хадмалтайгаа яг таарч байх ёстой (жишээ нь: солонгос хэл дээр үзэж байвал 한국어 болгоно).
3Үсгийн хэмжээ — 25%-аас 200% хооронд тохируулах боломжтой. Том дэлгэц эсвэл зөөврийн компьютерт тохируулан томруулж, жижигрүүлнэ.
4Хадмалын өнгө ба фонт — анхдагч өнгө нь шар байна. Цагаан эх хадмалаас ялгаатай өнгө сонгох нь нүдийг ядраахгүй байхад тусална.
5Байршил — монгол орчуулгын мөрийг эх хадмалын дээр эсвэл доор байрлуулахыг сонгоно.

Хятад · япон · солонгос — үгэн дээрх дуудлага

Сурч буй эх хэл нь хятад, япон, солонгос байх үед цэс дээр «Үгэн дээрх дуудлага» гэсэн нэмэлт хэсэг гарч ирнэ.

Эх хэл: 中文

我wǒ答应dāying过guò你nǐ

Би чамд амласан шүү дээ

·Хятад → пиньинь · Япон → ромажи · Солонгос → RR
·Хэмжээ, өнгө, үгийн дээр эсвэл доор гарахыг тусад нь тохируулна.
·Платформын үндсэн хадмал өөрөө тухайн хэл дээр байх шаардлагатай — англи хадмалд дуудлага гарч ирэхгүй.
·Энэхүү дуудлага нь өдрийн хязгаараас хасагдахгүй бөгөөд нийтийн толь бичгээс уншигдана.

Буруу орчуулга эсвэл утга таарвал

Орчуулга нь хиймэл оюун ухаанаар хийгддэг тул зарим нөхцөлд утгыг оновчгүй буулгах тохиолдол гарч болно. Таны мэдэгдсэн засвар хянагчаар дамжин шалгагдаж, бүх хэрэглэгчид шинэчлэгдэнэ.

⚑

Мөрийн төгсгөлд

Монгол орчуулгын мөр бүрийн ард байрлах туг дүрс дээр дарж утга алдаатай эсэхийг мэдээлэх маягт нээнэ.

⇧⌥H

Товчлуураар

Тугийг дарахад заримдаа платформ өөрөө даралтыг залгичихдаг — тэр үед хулганаа мөрний хажууд аваачаад энэ гурвыг дар.

⚠

Үгийн утга буруу бол

Үгийн карт дээрх «Буруу» товчийг ашиглан тухайн үгийн толь бичиг дэх утгыг дахин шалгуулах хүсэлт илгээнэ.

Үнэгүй ба Pro багц

Үнэгүй хувилбар

· Өдөрт 1 анги
· Нэг ангиа тэр өдөртөө хэдэн ч удаа эргэж үзнэ — шинэ эрх зарцуулагдахгүй
· Дэвтэрт 50 үг хүртэл
· Үг дарж утга харах нь хязгааргүй
· Хязгаар өдөр бүр 08:00-д (Улаанбаатарын цагаар) шинэчлэгдэнэ

Pro хувилбар

· Хязгааргүй анги
· Хязгааргүй үг
· Дэвтрээ CSV / Anki болгон татах

Pro үзэх →

Хадмал гарч ирэхгүй бол шалгах зүйлс

Хэрэв орчуулга болон хадмал гарахгүй бол дараах зүйлсийг дарааллын дагуу шалгаарай.

1
Платформын хадмал — Netflix, YouTube, HBO Max дээр үндсэн хадмал нь дэмжигдсэн хэл дээр (жишээ нь English) асаалттай байгаа эсэх.
2
Өргөтгөлийн бүртгэл — өргөтгөлийн дүрс дээр дарж имэйл хаягаараа амжилттай нэвтэрсэн эсэхээ нягтлах.
3
Өдрийн хязгаар — үнэгүй багцтай бол тухайн өдрийн 1 ангийн хязгаар дууссан эсэх.
4
Хуудсыг шинэчлэх — видео хуудсаа F5 товч дарж шинэчлэх (анги дундаас нь суулгасан бол заавал нэг удаа шинэчилнэ).
5
Дэмжигдэх хөтөч — зөвхөн Chrome, Brave, Edge хөтөч дээр ажиллах ба Firefox, Safari болон гар утсан дээр дэмжигдэхгүй.

Хэвээр байвал support@mglkino.com руу бичээрэй — ямар анги, ямар хэл дээр байсныг бичвэл хурдан шийднэ.

Суулгаад анхны ангиа нээ

Chrome-д нэмэх →Түгээмэл асуулт Миний дэвтэр